ახალი სპიკერის არჩევის შემდეგ, აშშ-ს წარმომადგენელთა პალატამ განაცხადა, რომ მხარს უჭერს ისრაელს „ჰამასის“ მიერ დაწყებულ ბარბაროსულ ომში“. იუწყება CNN
ამერიკის კონგრესის ქვედა პალატამ მიიღო რეზოლუცია, რომელიც გამოხატავს სოლიდარობას ისრაელთან „ჰამასის ტერორისტების წინააღმდეგ ომში“. ეს იყო პირველი კანონპროექტი, რომელიც პალატამ მიიღო ახალი სპიკერის, რესპუბლიკელი მაიკ ჯონსონის არჩევის შემდეგ.
დოკუმენტი კიდევ ერთხელ ადასტურებს შეერთებული შტატების ერთგულებას ისრაელის თავდაცვის მიმართ და მოითხოვს, რომ „ჰამასმა“ დაუყოვნებლივ შეწყვიტოს თავდასხმები და გაათავისუფლოს ყველა მძევალი.
რეზოლუციამ სახელწოდებით „ისრაელის გვერდით ჰამასის და სხვა ტერორისტების მიერ წარმოებული ბარბაროსული ომის წინააღმდეგ“, მიიღო სრული მხარდაჭერა რესპუბლიკელების მხრიდან, ერთი კონგრესმენისა და წარმომადგენელთა პალატაში ცხრა დემოკრატის გარდა.
აშშ-ს წარმომადგენელთა პალატაში რესპუბლიკელებმა რიგით 56-ე სპიკერად ლუიზიანელი კონგრესმენი მაიკ ჯონსონი 25 ოქტომბერს აირჩიეს.
