აშშ-ს წარმომადგენელთა პალატაში რესპუბლიკელებმა 25 ოქტომბერს რიგით 56-ე სპიკერად ლუიზიანელი კონგრესმენი მაიკ ჯონსონი აირჩიეს. მისი სპიკერობაზე დანიშვნა პირველივე კენჭისყრაზე შედგა.
ჯონსონს მხარი სულ 220-მა კონგრესმენმა დაუჭირა. თანამდებობის დასაკავებლად მას 217 კონგრესმენის მხარდაჭერა სჭირდებოდა.
წარმომადგენელთა პალატაში რესპუბლიკური პარტია 221 მანდატით, უმრავლესობას ფლობს.
სპიკერის კანდიდატურა ვაკანტური 3 ოქტომბერს გახდა, როდესაც კენჭისყრის შედეგად, კევინ მაკარტი გადააყენეს.
