ჩინეთის ლიდერმა სი ძინპინმა განაცხადა, რომ ჩინეთი მზად არის ითანამშრომლოს შეერთებულ შტატებთან და აღნიშნა, რომ ორივე მხარე გადალახავს უთანხმოებებს და ერთად იმუშავებენ „გლობალური გამოწვევების დასაძლევად“. იუწყება Reuters
„სიმ აღნიშნა, რომ შეძლებენ თუ არა ჩინეთი და შეერთებულ შტატები ურთიერთგაგების სწორი გზის პოვნას, გადამწყვეტი მნიშვნელობა აქვს მსოფლიოს მშვიდობიანი განვითარებისა და კაცობრიობის მომავალისთვის.
ჩინეთი მზადაა ხელი შეუწყოს შეერთებულ შტატებთან თანამშრომლობას, რომელიც დაეფუძნება სამ პრინციპს: ურთიერთპატივისცემას, მშვიდობიან თანაცხოვრებას და მომგებიან თანამშრომლობას. ასევე ხელს შეუწყობს, ერთობლივ ძალისხმევას გლობალური პრობლემების გადასაჭრელად, ორმხრივ მიღწევებს ორი ქვეყნისა და მსოფლიოს კეთილდღეობისთვის“, - ნათქვამია ჩინეთის საგარეო საქმეთა სამინისტროს განცხადებაში.
სი ძინპინის წერილი წაიკითხეს აშშ-ჩინეთის ურთიერთობების ეროვნული კომიტეტის ყოველწლიურ ვახშამზე.
მნიშვნელოვანია, რომ სი ძინპინის მიმართვა საგარეო საქმეთა მინისტრის ვანგ ის ვაშინგტონში ვიზიტამდე გაჟღერდა.
ჩინეთის უმაღლესი დიპლომატის ვიზიტი იქნება უმაღლესი დონის შეხვედრა აშშ-ის პრეზიდენტ ჯო ბაიდენსა და ჩინეთის ლიდერ სი ძინპინს შორის დაგეგმილ შეხვედრამდე, რომელიც ნოემბერში სან-ფრანცისკოში აზია-წყნარი ოკეანის ეკონომიკური თანამშრომლობის სამიტის ფარგლებში გაიმართება.
