რუსეთის პრეზიდენტ ვლადიმირ პუტინსა და თურქეთის პრეზიდენტ რეჯეფ თაიფ ერდოღანს შორის სატელეფონო საუბარი შედგა.
კრემლის ინფორმაციით, სატელეფონო საუბრისას ვლადიმირ პუტინმა და რეჯეფ თაიფ ერდოღანმა ახლო აღმოსავლეთში მწვავე კრიზისი განიხილეს.
თურქეთის პრეზიდენტის ოფისის მიერ გავრცელებული ინფორმაციის თანახმად, ერდოღანმა პუტინს განუცხადა, რომ ღაზაში დასავლეთის ქვეყნების დუმილი ჰუმანიტარულ კრიზისს ამძიმებს.
მისივე თქმით, პალესტინის მიწების მიმართ „ველურობა“ ღრმავდება და მშვიდობიანი მოქალაქეები გამუდმებით იღუპებიან.
