ისრაელში, მუსიკალურ ფესტივალზე დაკარგული ქართველი ებრაელი თამარ გოლდბერგი გარდაცვლილი იპოვეს. ინფორმაციას გოლდბერგის და, მარი ლობატონი სოციალურ ქსელში ავრცელებს.
"ღმერთმა 14 დღის შემდეგ ჩემში დარჩენილი იმედი წამართვა... თამი ხოცვა-ჟლეტის დროს ცივსისხლიანად მოკლეს... ვერც მის სხეულს ვიხილავთ მთელს... ბოდიში, რომ ამ ჯოჯოხეთის გავლა მოგიწია". - წერს მერი ლობატონი სოციალურ ქსელში.
თამარ გოლდენბერგი საქართველოს მოქალაქის შვილია. მისი ოჯახი აფხაზეთიდანაა, ისინი ისრაელში 30 წლის წინ ჩავიდნენ.
ოჯახის თამარს 7 ოქტომბრის შემდეგ ეძებდა. ოჯახის წევრები ფიქრობდნენ, რომ "ჰამასის" თავდასხმის დღეს თამარი ტერორისტებმა გაიტაცეს.
ტერორისტული დაჯგუფება „ჰამასის“ თავდასხმის შემდეგ მუსიკალური ფესტივალის ჩატარების ადგილზე 260 ცხედარი აღმოაჩინეს.
