ისრაელი თავის მოქალაქეებს მოუწოდებს, რაც შეიძლება სწრაფად დატოვონ ეგვიპტე და იორდანია.
ისრაელის მთავრობის ცნობით, არსებობს საფრთხე, რომ ისრაელის მოქალაქეები შესაძლოა, იმ ადამიანების სამიზნე გახდნენ, ვინც გაღიზიანებულია „ჰამასის“ სასტიკი თავდასხმის შედეგად ისრაელის გამო.
ისრაელის ეროვნული უსაფრთხოების სააგენტოს, პრემიერ-მინისტრის ოფისის და საგარეო საქმეთა სამინისტროს მიერ გავრცელებულ განცხადებაში ნათქვამია, რომ ეგვიპტეში, მათ შორის, სინაის ნახევარკუნძულზე და იორდანიაში განგაშის დონე 4-მდე გაიზარდა. შესაბამისად, ისრაელის ყველა მოქალაქეს მოუწოდებს, რაც შეიძლება მალე დატოვონ ეს ტერიტორიები.
განცხადებაში ნათქვამია, რომ დამატებით რეკომენდირებული, ისრაელის მოქალაქეებმა თავი შეიკავონ ახლო არაბული ქვეყნებში, მათ შორის: თურქეთში, ეგვიპტეში, იორდანიაში, არაბთა გაერთიანებულ საამიროებში, ბაჰრეინსა და მაროკოში მოგზაურობისაგან. ასევე თავი აარიდონ მოგზაურობას მალაიზიაში, ბანგლადეშში, ინდონეზიასა და მალდივებზე.
