გაერო მზად არის სპეციალური მისია გაგზავნოს ხერსონის რეგიონის მარცხენა სანაპიროზე კახოვკის ჰიდროელექტროსადგურის აფეთქების შედეგად დაზარალებულების დასახმარებლად, ისინი რუსული მხარისგან უსაფრთხოების გარანტიებს ელოდებიან. ამის შესახებ უკრაინის საგარეო საქმეთა მინისტრმა დმიტრო კულებამ განაცხადა.
მისი თქმით, ამ დროისათვის გაერომ და წითელი ჯვრის საერთაშორისო კომიტეტმა უკვე დაიწყეს ჰუმანიტარული ტვირთის გაგზავნა ხერსონის ოლქის მარჯვენა სანაპიროზე დაზარალებული მოსახლეობის დასახმარებლად.
მისივე თქმით, გაეროს უკვე ფორმირებული მისია მზად არის გაემგზავროს დნიპროს მარცხენა სანაპიროზე, მაგრამ ამისთვის ელოდებიან რუსული მხარისგან უსაფრთხოების გარანტიებს.
“ჩვენი შეთანხმების თანახმად, რომელსაც ჩევნ მივაღწიეთ გასულ ხუთშაბათს გაეროსთან... ასეთი მისია ჩამოყალიბებულია, მათ უსაფრთხოების გარანტიების მოთხოვნა გაუგზავნეს უკრაინასა და რუსეთს. უკრაინამ ასეთი გარანტიები მყისიერად წარუდგინა. რუსეთს პასუხი ჯერ არ გაუცია“, - აღნიშნა დმიტრო კულებამ.
მისივე თქმით, უკრაინაში უკვე ჩავიდა ტვირთი19-მდე ქვეყნიდან, რომელიც მას კახოვკის ჰიდროელექტროსადგურის აფეთქების შედეგების აღმოსაფხვრელად გადაეცა.
