ჩრდილოეთ კორეის ლიდერი კიმ ჩენ ინი აცხადებს, რომ რუსეთთან სტრატეგიული თანამშრომლობის გაძლიერების სურვილი აქვს.
კიმმა რუსეთის პრეზიდენტ ვლადიმირ პუტინისადმი მიმართავში აღნიშნა, რომ მხარს უჭერს და სოლიდარობას უცხადებს მას უკრაინაში შეჭრის გადაწყვეტილებასთან დაკავშირებით.
„სამართლიანობა აუცილებლად გაიმარჯვებს და რუსი ხალხი გააგრძელებს გამარჯვებების ისტორიას“, - ნათქვამია პუტინისადმი რუსეთის დღესთან დაკავშირებით გაგზავნილ მიმართვაში.
ის მომხრეა მოსკოვთან უფრო მჭიდრო სტრატეგიული თანამშრომლობის. „მაგრად ჩავჭიდოთ ხელი რუსეთის პრეზიდენტს, ორი ქვეყნის ხალხთა სურვილების შესაბამისად შევასრულოთ დიადი მიზანი მძლავრი ქვეყნის ასაშენებლად“, - ნათქვამია კიმის გზავნილში.
