უკრაინელმა სამხედროებმა დონეცკის ოლქის დასახლებული პუნქტი მაკაროვკა გაათავისუფლეს, რომელიც ცოტა ხნის წინ დეოკუპირებულ დასახლება ბლაგოდატნოესთან ახლოს მდებარეობს. ასევე წინ წაიწიეს ბახმუტის მიმართულებით და სამხრეთით.
ამის შესახებ უკრაინის თავდაცვის მინისტრის მოადგილე ანა მალიარი Telegram-ზე წერს.
„მიმართულებები, სადაც მიმდინარეობს შეტევა: ბახმუტის მიმართულებით ჩვენი არმია აგრძელებს შეტევით მოქმედებებს, არის წარმატება ვერხოვსკის წყალსაცავის რაიონში. წინ წაიწიეს 250 მეტრით.
სამხრეთით არის წინსვლა ორი მიმართულებით 300-დან 1 500 მეტრამდე. გათავისუფლებულია დასახლებული პუნქტები - ბლაგოდატნოე და მაკაროვკა.
მიმართულებებით, სადაც ჩვენი ჯარი თავს იცავს, არც ერთი პოზიცია დაგვიკარგავს“, - განაცხადა მალიარმა.
შეგახსენებთ, მანამდე გავრცელდა ინფორმაცია უკრაინელების მიერ დონეცკის ოლქის დასახლებული პუნქტის, ბლაგოდატნოეს გათავისუფლების შესახებ.
