ხერსონის ოლქის ადმინისტრაციის ხელმძღვანელის ოლექსანდრ პროკუდინის განცხადებით, კახოვკის ჰიდროელექტროსადგურის აფეთქების შემდეგ დილის მონაცემებით, ხერსონის ოლქის მარჯვენა სანაპიროზე უკვე დატბორილია 1 853 სახლი.
პროკუდინის ინფორმაციით, გასულ ღამეს საგანგებო ვითარება არ დაფიქსირებულა. დატბორვის ინტენსივობა მცირდება. თუმცა პროკუდინის თქმით, კაშხლის ნგრევის გამო წყალი კიდევ მოიმატებს. „ჩვენი პროგნოზით, მომდევნო 20 საათის განმავლობაში წყლის დონე კიდევ ერთი მეტრით გაიზრდება. ღამით, დაიტბორა ბელოზერის დასახლება, სადაც ჯერ კიდევ გუშინ წყალი არ იყო“, - განაცხადა პროკუდინმა.
მისი თქმით, ღამით დახმარებისთვის მათ 13-მა ადამიანმა მიმართა. დილის ექვსი საათისთვის დატბორილი ტერიტორიებიდან უკვე უვაკუირებულია 1 457 ადამიანი.
