რუსეთის პრეზიდენტმა ვლადიმირ პუტინმა მოსკოვზე უპილოტო საფრენი აპარატებით თავდასხმას ტერორისტული აქტი უწოდა.
„ჩვენ არ დაგვიწყია ომი 2014 წელს, კიევის რეჟიმმა დაიწყო ომი დონბასში. ჩვენ არ ვიყენებთ იმ საშუალებებს, რომელსაც უკრაინელები იყენებენ. ამის კიდევ ერთი დადასტურებაა მოსკოვში მშვიდობიან ობიექტებზე თავდასხმა, - განაცხადა პუტინმა.
მან აღნიშნა, რომ, უკრაინის შეიარაღებული ძალებისგან განსხვავებით, რუსული არმია ზუსტ დატყმებს ახორციელებს მხოლოდ სამხედრო ინფრასტრუქტურაზე, მათ შორის „უკრაინის სამხედრო დაზვერვის შტაბზე, რომელსაც ორი დღის წინ დაარტყა“.
„მოგეხსენებათ, კიევის რეჟიმმა სხვა გზა აირჩია, რუსეთის, მოქალაქეების დაშინებისა და საცხოვრებელ კორპუსებზე დატყმის მცდელობის გზა. ეს, რა თქმა უნდა, ტერორისტული თავდასხმის ნიშანია“, – აღნიშნა პუტინმა.
დღეს მოსკოვზე უპილოტო საფრენი აპარატებით თავდასხმა განხორციელდა. რუსეთის თავდაცვის სამინისტროში განაცხადეს, რომ მოსკოვს რვა უპილოტო საფრენი აპარატით დაესხნენ თავს, რომლიდანაც ხუთის ჩამოგდება შეძლეს. უკრაინაში თავდასხმასთან კავშირს უარყოფენ.
