უკრაინაში 400 ათასამდე რუსი ჯარისკაცი იბრძვის, მათ შორის არიან კერძო სამხედრო კომპანიებისა და ეროვნული გვარდიის წარმომადგენლებიც. ამის შესახებ უკრაინის თავდაცვის სამინისტროს დაზვერვის მთავარი სამმართველოს მეთაურმა კირილო ბუდანოვმა განაცხადა. მისი თქმით, კრემლმა ომში ჩართო ყველა და ყველაფერი, რისი ჩართვაც შეეძლო.
„დაჯგუფება, რომელიც უშუალოდ დაინტერესებულია ჩენი სახელმწიფოთი - დაახლოებით 370 ათასი ჯარისკაცია, 20 ათასზე ოდნავ მეტია ეროვნული გვარდიის შემადგენლობა. დღეის მონაცემებით, დაახლოებით 7 ათასამდე სხვადასხვა გასამხედროებული ფორმირების წევრია“, - განაცხადა ბუდანოვმა.
მისი თქმით, რუსების მხარეს იბრძვის ძალიან მცირე რაოდენობით უცხო ქვეყნის მოქალაქე.
„ისინი არ ცდილობენ უცხოელების გვერდით ბრძოლას. უკრაინაში ისინი იყენებენ მიდგომას შეავსონ დანაკარგები პატიმრების ხარჯზე“, - განაცხადა ბუდანოვმა.
