მიხეილ სააკაშვილი არის წარსულის პოლიტიკოსი, რომლის მმართველობა, როგორც სახადი, ისე გადაიტანა ამ ქვეყანამ. განაცხადა ფრაქცია "ქართული ოცნების" თავმჯდომარემ, მამუკა მდინარაძემ პარლამენტში გამართულ ბრიფინგზე.
მდინარაძის თქმით, მიუხედავად იმისა, რომ მოლაპარაკებების პროცესში ოპონენტების კრიტიკას ერიდება, მიხეილ სააკაშვილს მაინც იგივეს იტყვის, რასაც აქამდე ამბობდა.
მე ვფიქრობ, რომ წარსულ პოლიტიკოსებზე და მათ შორის ისეთზე, როგორიც მიხეილ სააკაშვილია, მე მგონი, ვცოდავთ ყველანი ერთად და ბევრ ყურადღებას ვამახვილებთ. ეს ადამიანი არის სიმბოლო ძალიან ცუდი წარსულისა, რომელიც ამ ქვეყანამ, როგორც სახადი, ისე გადაიტანა. ჩვეულებრივი სახადი გადაიტანა ამ ქვეყანამ "ნაციონალური მოძრაობის" სახით და მისი ლიდერი, მიხეილ სააკაშვილი ამ ყველაფრის შემოქმედი იყო.
მე დღეს, როდესაც ყველას მიმართ მართლა კონსტრუქციული ვიქნები, რადგან ამ მოლაპარაკებების პროცესში არ მინდა, რომ მიზეზი იყოს ჩემი რომელიმე ცუდი განცხადება, რომელიმე ოპონენტის მიმართ, მიხეილ სააკაშვილზე მაინც ამას ვიტყვი ყოველთვის, რაც არ უნდა ხდებოდეს. მიხეილ სააკაშვილის არის წარსულის პოლიტიკოსი, რომლის მმართველობა, როგორც სახადი, ისე გადაიტანა ამ ქვეყანამ", - თქვა მდინარაძემ.
