პარტია "დემოკრატიული საქართველო - ერთიანი საქართველოს" ლიდერი ნინო ბურჯანაძე საქართველოს მთავრობას მოუწოდებს ქვეყანაში არსებული ეპიდემოლოგიური ვითარება ფორსმაჟორად სცნოს.
ნინო ბურჯანაძე ეროვნული ბანკისგან სასესხო შეღავათების დაწესებას მოითხოვს.
ამ მიზნით ნინო ბურჯანაძემ და მისი პარტიის წარმომადგენლებმა ხელმოწერების შეგროვება დაიწყეს.
"ჩვენ ვიწყებთ პეტიციების შეგროვებას, მოქალაქეების ხელმოწერების შეგროვებას და ამ პეტიციას უკვე ჩემი პირველი ხელმოწერა აქვს, რომელიც ეხება პანდემიის ფორსმაჟორად გამოცხადების საკითხს და იმას, რომ ბანკების მიერ მოქალაქეებისათვის პანდემიის დაწყებამდე აღებულ სესხებზე დაგროვილი პროცენტი გაიქვითოს.
ყველა ხელშეკრულებაში წერია, რომ ფორსმაჟორულ ვითარებაში, ხელშეკრულებების პირობები იცვლება, მოქალაქეებს მივმართავ, თქვენ გაქვთ უფლება, მოითხოვოთ ამ სესხების შეჩერება, გადავადება, პროცენტების და ჯარიმების მოხსნა", - აცხადებს ნინო ბურჯანაძე.