საქართველოში კინოინდუსტრია უნდა აღორძინდეს და ქვეყანაში ქართული ფილმების, სერიალების, მათ შორის ისტორიული სერიალების გადაღება უნდა დაიწყოს, - ამის შესახებ პარტია "ქართული ოცნება - დემოკრატიული საქართველოს" თავმჯდომარემ ბიძინა ივანიშვილმა ტელეკომპანია "იმედის" გადაცემაში "პირისპირ" განაცხადა.
"ამ მდარე სერიალებით მივდივართ იქამდე, რომ ჩვენ შეიძლება საზოგადოება დავკარგოთ და არა არჩევნები. შესაბამისად მაქსიმალურ მობილიზებას ვაკეთებთ. მათ შორის "ქართუ ფონდი" მიიღებს მონაწილეობას დაფინანსებაში. კინოწარმოება უნდა აღორძინდეს. ჩვენ ჩვენი ისტორია უნდა ვაჩვენოთ და არა ეს მდარე სერიალები. ამ მიმართულებით ჩვენ მკვეთრ ნაბიჯებს გადავდგამთ", - განაცხადა ბიძინა ივანიშვილმა.
