"მიხარია, რომ ქართული ოცნება სწორედაც რომ შიდა დემოკრატიის მაგალითს აძლევს მთელ საზოგადოებას, თუ როგორ უნდა იქნეს მიღებული კანონები და როგორ უნდა იქნას მიღებული გადაწყვეტილებები", - ამის შესახებ "ქართული ოცნების" საპარლამენტო უმრავლესობის სხდომის დასრულების შემდეგ, საპარლამენტო უმრავლესობის წევრმა ზაქარია ქუცნაშვილმა ჟურნალისტებთან საუბრისას განაცხადა.
ზაქარია ქუცნაშვილის თქმით, პარტიიდან ვინმეს გარიცხვაზე დღევანდელ სხდომაზე არ უმსჯელიათ, თუმცა დასძინა, რომ პარტიული დისციპლინის აუცილებლობასა და მნიშვნელობაზე შეთანხმდნენ.
"დღის წესრიგში არავის გარიცხვის საკითხი არ დასმულა, თუმცა მათ შორის იმაზეც ვიმსჯელეთ, რომ პარტიული დისციპლინის დაცვა ეს არის ის მინიმალური სტანდარტი, რაც მოეთხოვება აი ამ საქმეში ჩართულ პოლიტიკოსებს. ეთიკური სტანდარტი მოითხოვს, რომ მიღებული წესები გაიზიარო", - განაცხადა ქუცნაშვილმა.
