დღეს, 28 იანვარს, იუსტიციის საბჭოს წევრები მოსამართლეობის ოთხ სხვადასხვა კანდიდატს გაესაუბრებიან, რომელთა შორის ერთ-ერთი, საბჭოს ამჟამინდელი მდივანი გიორგი მიქაუტაძეა.
გიორგი მიქაუტაძეს განაცხადი ორ ვაკანტურ ადგილზე აქვს განაცხადი შეტანილი, თბილისის საქალაქო და სააპელაციო სასამართლოებში. გასაუბრების წარმატებით გავლის შემთხვევაში მიქაუტაძე უვადო მოსამართლე გახდება.
შეგახსენებთ, რომ გიორგი მიქაუტაძე იყო ერთ-ერთი უზენაესი სასამართლოს მოსამართლეობის კანდიდატთა იმ ათკაციან სიაში, რომელიც იუსტიციის უმაღლესმა საბჭომ პარლამენტს დასამტკიცებლად გასული წლის ბოლოს წარუდგინა.
აღნიშნული სიის წარდგენას პროტესტი მოჰყვა, როგორც სამოქალაქო საზოგადოების, არასამთავრობო სექტორისა და ოპოზიციის, ასევე უმრავლესობის ზოგიერთი წევრის მხრიდანაც.
იუსტიციის საბჭოში სხდომა 11 საათზე დაიწყება.
