კენიის პრეზიდენტ უხურუ კენიატას თქმით, ნაირობიში სასტუმროზე თავდასხმის შედეგად 14 ადამიანი დაიღუპა, ყველა თავდამსხმელი ლიკვიდირებულია. ადგილობრივი მედიის ცნობით, სპეცოპერაცია უკვე დასრულებულია.
კენიის დედაქალაქ ნაირობიში, სასტუმრო Dusit-ის გვერდით აფეთქება მოხდა, რასაც სროლა მოყვა. დაღუპულების გარდა დაჭრილია კიდევ 30 ადამიანი.
თავდასხამზე პასუხისმგებლობა რადიკალურმა ისლამისტურმა დაჯგუფება „აშ-შაბაბმა“ აიღო, რომელიც ძირითადად სომალიში მოქმედებს. დაღუპულთა ვინაობის დადგენა მათი პირადობის დამადასტურებელი მოწმობებით გახდა შესაძლებელი. გარდაცვლილთა შორის არიან დიდი ბრიტანეთისა და აშშ-ის მოქალაქეები.
