პირადად მე მიმაჩნია, რომ რა პროცესებიც განვითარდა უკრაინის სახელმწიფოებრიობისთვის და ზოგადად მართლმადიდებლური სამყაროსთვის ნამდვილად ისტორიული მოვლენაა, - ამის შესახებ ჟურნალისტებს ჭყონდიდელმა მიტროპოლიტმა მეუფე პეტრემ საპატრიარქოსთან განუცხადა.
მან იმედი გამოთქვა, რომ უკრაინის ეკლესიასთან დაკავშირებით საქართველოს წმინდა სინოდი ღვთისთვის სათნო გადაწყვეტილებას მიიღებს.
„ძალიან გასახარია და ღვთის წყალობაა, რომ ამიერიდან უკვე უკრაინაში ე.წ. რასკოლნიკური, არაღიარებული ეკლესია არ იქნება და ეს ძალიან მნიშვნელოვანი მოვლენაა. მიმაჩნია, რომ დღეს თუ ხვალ ეკლესიამ აუცილებლად უნდა დაუჭიროს მხარი და დადგეს სიმართლეს მხარეს და იმედი მაქვს, რომ სინოდი ღვთის სათნო გადაწყვეტილებას მიიღებს", - განაცხადა მეუფე პეტრემ.