- მსოფლიო 24 დეკემბერი 2018, 21:01
ევაკუირებულია 3000 ადამიანი - ავსტრალიაში 33-სართულიანი შენობა გაიბზარა
სიდნეიში, 33-სართულიანი Opal-ის ცათამბჯენში, მოსახლეობამ კედლების მსხვევის ხმა გაიგონა. ადგილობრივმა სამაშველო დანაყოფმა ახლადაშენებული შენობიდან და მიმდებარე ტერიტორიიდან 3000 ადამიანის ევაკუაცია განახორციელა.
პოლიციამ დაადასტურა, რომ მე-10 სართულზე მართლაც გაჩნდა ბზარი. გარდა ამისა ინჟინრებმა დაადასტურეს რომ შენობა 2 მილიმეტრითაა გადახრილი. სიდნეის პოლიციის განცხადებით, მოსახლეობის ევაკუაცია დროული და რაციონალური იყო, რადგან არსებობს შენობის ჩამონგრევის რისკები.
Opal-ის საცხოვრებელი კომპლექსი ავსტრალიური დეველოპერული კომპანია Ecove-ის პრექტია. მასში განლაგებულია 392 აპარტამენტი. შენობა ექსპლუატაციაში 2018 წლის დასაწყისში შევიდა.
კომპანიაში აცხადებენ, რომ ფაქტის შესახებ ინფორმირებულნი არიან.
წყარო: BBC
ავტორი: . .
