უცხოეთში ლეგალური დასაქმება იყო ჩემი საპრეზიდენტო კამპანიის ერთ-ერთი მთავრი კომპონენტი და დღევანდელმა დღემ დაადასტურა, რომ ეს იყო სრულიად რეალური და განხორციელებადი დაპირება, - ამის შესახებ "ევროპული საქართველოს" ლიდერმა დავით ბაქრაძემ საფრანგეთში საქართველოს მოქალაქეების ლეგალურ დასაქმებასთან დაკავშირებით განაცხადა.
მისი თქმით, კარგია დღევანდელი შეთანხმება, მაგრამ 650 ადამიანის დასაქმება ზღვაში წვეთია იმიტომ, რომ მისივე თქმით< ასობით ათას ოჯახს დახმარება სჭირდება.
"აუცილებელია, მთავრობამ სწრაფად და ეფექტურად იმუშაოს ამ მიმართულებით, კარგია დღევანდელი შეთანხმება, მაგრამ 650 ადამიანის დასაქმება ეს არის ზღვაში წვეთი იმიტომ, რომ ასობით ათას ოჯახს, ქართველი ემიგრანტების ოჯახს, ჭირდება დახმარება.
ამიტომ, უნდა ვიმუშაოთ გერმანიასთანაც, რომლის კანცლერი თბილისში ყოფნის დროს დაგვპირდა დახმარებას, უნდა ვიმუშაოთ ევროკავშირთანაც, სადაც ევროპარლამენტში ჩემ მიერ უკვე დაყენებულია ეს საკითხი და ძალიან ბევრი ევროპარლამენტარი მხარს უჭერს შრომის ბაზრის გახსნას საქართველოსთვის.
უცხოეთში ლეგალური დასაქმება იყო ჩემი საპრეზიდენტო კამპანიის ერთ-ერთი მთავრი კომპონენტი და დღევანდელმა დღემ დაადასტურა რომ ეს იყო სრულიად რეალური და განხორციელებადი დაპირება", - განაცხდა დავით ბაქრაძემ.
ცნობისთვის, საგარეო საქმეთა მინისტრის დავით ზალკალიანის განცხადებით, საქართველოს მოქალაქეები საფრანგეთში ლეგალურად დასაქმდებიან. მისივე თქმით, საფრანგეთმა საქართველოს მოქალაქეების ლეგალურად მუშაობის შესახებ კანონი დაამტკიცა.
