მუცოს ხეობაში მომხდარი ავარიის შედეგად გადარჩენილი სამი დაშავებულის სიცოცხლეს საფრთხე არ ემუქრება.
დაშავებულებიდან ერთ-ერთის, 24 წლის თეონა ჭინჭარაულის მდგომარეობა შედარებით მძიმეა და იგი თბილისის რესპუბლიკურ საავადმყოფოშია გადმოყვანილი. დანარჩენ ორ დაშავებულს კი ამბულატორიული დახმარება ადგილზე ჩაუტარდათ.
როგორც ექიმები აცხადებენ, ამ თეონა ჭინჭარაულს მრავლობითი დაჟეჟილობები და ქალა-ტვინის დახურული ტრამვა აღენიშნება, თუმცა მისი სიცოცხლეს საფრთხე არ ემუქრება.
ამასთან, შრომის ჯანმრთელობისა და სოციალური დაცვის მინისტრი სანდრო კვიტაშვილი მთელი ღამის განმავლობაში შემთხვევის ადგილას იმყოფებოდა.
შეგახსენებთ, რომ მუცოს ხეობაში მომხდარი ავარიის შედეგად შვიდი ადამიანი დაიღუპა. მაშველები ავტოავარიის შედეგად ხევში გადავარდნილი ორი ბავშვის ძებნას განაგრძობენ. შემთხვევა გუშინ მოხდა. ჯიპის მარკის ავტომანქანა, რომელშიც 10 ადამიანი, მათ შორის სამი მცირეწლოვანი ბავშვი იმყოფებოდა, მოცურდა და ხევში გადავარდა. სამართალდამცავთა განცხადებით, ავტომანქანა გადაჭარბებული სიჩქარით მოძრაობდა, რის გამოც მძღოლმა საჭის დამორჩილება ვერ შესძლო. გადარჩენილია შატილის თემის საკრებულოს დეპუტატი გელა დაიაური, რომლის მეუღლე და სამი მცირეწლოვანი ბავშვი დაიღუპნენ. სხვა გარდაცვლილების ცხედრები ნაპოვნი და ამოცნობილია.
