აჭარის ავტონომიური რესპუბლიკის ფინანსთა და ეკონომიკის სამინისტროსთვის 2010 წლის ორ კვარტალში რესპუბლიკური ბიუჯეტით გამოყოფილმა დაზუსტებულმა ასიგნებებმა 6 მლნ. 700 ათასი ლარი, ხოლო ფაქტობრივმა დაფინანსებამ 6 მლნ. 370 ათასი ლარი შეადგინა, რაც გეგმის 95,1 პროცენტია.

სამინისტროს დაფინანსების დიდი ნაწილი - 4 მლნ. 725 ათასი ლარი „ს.ს. თუსთაშის" სასარგებლოდ დარიცხულ დავალიანებაზე მოდის.
აჭარის ავტონომიური რესპუბლიკის ფინანსთა და ეკონომიკის სამინისტროს აპარატისათვის 2010 წლის ორ კვარტალში რესპუბლიკური ბიუჯეტით გამოყოფილმა დაზუსტებულმა ასიგნებებმა 1 მლნ. 590 ათასი ლარი, ხოლო ფაქტიურმა დაფინანსებამ 1 მლნ. 515 ათასი ლარი შეადგინა, რაც გეგმის 95,3 პროცენტია.
ფინანსთა და ეკონომიკის სამინისტროსათვის იანვარ-ივნისში ხარჯების დაფინანსებამ 1 მლნ. 387 ათასი ლარი, არაფინანსური აქტივების დაფინანსებამ - 123,4 ათასი ლარი, ხოლო ვალდებულებების დაფინანსებამ 4,8 ათასი ლარი შეადგინა.
ხარჯების ეკონომიკური კლასიფიკაციის მიხედვით შრომის ანაზღაურებაზე მიმართულმა სახსრებმა 624 ათასი ლარი, საქონელზე და მომსახურებაზე - 494,2 ათასი ლარი შეადგინა.