პოლონეთის საგარეო საქმეთა მინისტრი რადოსლავ სიკორსკიმ პოლონელ ტურისტებს საქართველოში ჩამოსვლას ურჩევს. ამის შესახებ სიკორსკი ქართველ კოლეგასთან, საქართველოს საგარეო საქმეთა მინისტრთან შეხვედრის დასრულების შემდეგ გამართულ ერთობლივ პრესკონფერენციაზე განაცხადა.
"საქართველო ძალიან ლამაზი ქვეყანაა, რომელმაც ბოლო წლების განმავლობაში როგორც დემოკრატიის განვითარების, ასევე ეკონომიკური ვითარების გაუმჯობესების კუთხით წინ წაიწია. აღნიშნულის შესახებ დღეს ევროკავშირის ქვეყნების ელჩებმა ჩემთან შეხვედრის დროსაც აღნიშნეს. ეს კი ხელს ქვეყანაში ტურიზმის განვითარებას შეუწყობს და იმედი მაქვს, რომ თქვენს ლამაზ ქვეყანას ბევრი პოლონელი ტურისტი ეწვევა. მე მათ საქართველოს ლამაზი ბუნების ნახვას ვურჩევდი", - აღნიშნა სიკორსკიმ.
შეგახსენებთ, რომ პოლონეთის საგარეო საქმეთა მინისტრის რადოსლავ სიკორსკი თბილისს გუშინ ეწვის. ვიზიტის ფარგლებში პოლონელი დიპლომატი საქართველოში ევროკავშირის ქვეყნების ელჩებს, საგარეო საქმეთა მინისტრის გრიგოლ ვაშაძეს, ოპოზიციის და დიასპორის წარმომადგენლებს უკვე შეხვდა.
დღესვე სიკორსკი პრემიერ-მინისტრ ნიკა გილურს და საქართველოს პრეზიდენტს მიხეილ სააკაშვილს შეხვდება. პოლონეთის საგარეო საქმეთა მინისტრი თბილისს დღეს, 22:00 საათზე დატოვებს.
