"ტერმინ ოკუპაციას ჩვენ ვიყენებდით და მის შეცვლას არ ვაპირებთ", - ამის შესახებ პოლონეთის საგარეო საქმეთა მინისტრმა როდოსლავ სიკორსკიმ საქართველოს საგარეო საქმეთა მინისტრთან შეხვედრის შემდეგ ერთობლივ პრესკონფერენციაზე განაცხადა.
მისი თქმით, პოლონეთი საქართველოს ტერიტორიულ მთლიანობას და სუვერენიტეტს აღიარებს.
"ჩვენ არ ვფიქრობთ, რომ 2008 წლის აგვისტოს ომში ვინმე გამარჯვებული გამოვიდა. ამ ომის შემდეგ ბევრი ურთიერთბრალდება ისმოდა, მაგრამ პოლონეთი საქართველოს ტერიტორიულ მთლიანობას აღიარებს, რაც იმას ნიშნავს, რომ ჩვენ სეპარატისტულ რეგიონებს დამოუკიდებელ ერთეულებად არც ახლა და არც მომავალში არ ვაღიარებთ", - განაცხადა სიკორსკიმ.
რაც შეეხება ტერმინ ოკუპაციას, პოლონეთის საგარეო უწყების ხელმძღვანელმა განაცხადა, რომ პოლონეთში ამ ტერმინს ადრეც იყენებდნენ და მის შეცვლას არ აპირებენ.
"აფხაზეთის და სამხრეთ ოსეთის საქართველოს განუყოფელი ნაწილია და მიგვაჩნია, რომ მასზე საქართველოს იურისდიქცია უნდა აღდგეს", - აღნიშნა სიკორსკიმ.
შეგახსენებთ, რომ პოლონეთის საგარეო საქმეთა მინისტრის როდდისლავ სიკორსკი თბილისს გუშინ ეწვის. ვიზიტის ფარგლებში პოლონელი დიპლომატი საქართველოში ევროკავშირის ქვეყნების ელჩებს, საგარეო საქმეთა მინისტრის გრიგოლ ვაშაძეს, ოპოზიციის და დიასპორის წარმომადგენლებს უკვე შეხვდა.
დღესვე სიკორსკი პრემიერ-მინისტრ ნიკა გილურს და საქართველოს პრეზიდენტს მიხეილ სააკაშვილს შეხვდება.
