ამერიკის შეერთებული შტატებისა და რუსეთს შორის საქართველოს საკითხზე კვლავ აზრთა სხვადასხვაობაა.
ამის შესახებ აშშ-ს ნაციონალური უსაფრთხოების დირექტორი რუსეთთან ურთიერთობის საკითხებში მაიკლ მაკფალმა განაცხადა.
"ჩვენ საქართველოს დიდი დახმარებას ვუწევთ და ამას მომავალშიც გავაგრძელებთ. ჩვენ მზად ვართ რუსეთს აუხსნათ ის მიზნები, რომლებსაც საქართველოში ვახორციელებთ", - განაცხადა მაკფოლმა.
მისივე თქმით, რუსეთთან დიალოგს, მათ შორის ყველაზე რთულ საკითხებზე შეუძლია გააძლიეროს აშშ-ს და მისი მოკავშირეების უსაფრთხოების საკითხები.
"ჩვენ საქართველოს ტერიტორიულ მთლიანობას მხარს ვუჭერთ და ჩვენს უთანხმოებას ამ საკითხზე რუსეთთან მიმართებაშიც არ ვმალავთ", - აღნიშნა აშშ-ს ნაციონალური უსაფრთხოების დირექტორმა.
შეგახსენებთ, რომ რუსეთის ფედერაციის პრეზიდენტი დიმიტრი მედვედევი სამ დღიანი ვიზიტით ამერიკის შეერთებულ შტატებში იმყოფება. მედვედევი თავდაპირველად კალიფორნიაში ჩავიდა, სადაც საქმიან და აკადემიური წრეების წარმომადგენლებს, ასევე კალიფორნიის მხარის გუბერნატორს არნოლდ შვანცნეიგერს შეხვდება. რუსეთის პრეზიდენტი კალიფორნიიდან ვაშინგტონში გადაინაცვლებს, სადაც 24 ივნისს აშშ-ს პრეზიდენტს ბარაკ ობამას შეხვდება.
