სტიქიის გამო მესტიის რაიონის თვრამეტ სოფელთან დაკავშირება ამ დრომდე ვერ ხერხდება.
როგორც რაიონის გამგებელი გოჩა ჭელიძე აცხადებს, დღეს დილიდან შეეცდებიან მოსახლეობას პროდუქტი მიაწოდონ.
გადაუღებელი წვიმების გამო ადიდებულმა მდინარეებმა ნეკრესის ხეობასა და ჭუბერში დააზინა წყლის მილები, წაქცეულია ელექტროგადამცემი ბოძები, წაღებულია სოფლებთან დამაკავშირებელი ხიდები და გზა, რამდენიმე კილომეტრის მონაკვეთზე.
სტიქიის ზონაში გარემოს დაცვისა და ბუნებრივი რესურსების მინისტრის განკარგულებით სპეციალური სამაშველო ჯგუფები ჩავლენ.
ძლიერი წვიმის გამო მეწყერი ჩამოწვა ონის შესასვლელშიც. ამ დრომდე გადაკეტილი იყო ამბროლაური-ონის საავტომობილო გზა, თუმცა ჩატარებული სამუშაოების შემდეგ გზაზე მოძრაობა აღდგა.
რაჭაში მდინარეები კვლავ ადიდებულია.
