აშშ თურქეთთან, ისარელთან და სხვა ქვეყნებთან ერთად მჭიდრო კავშირში ახლო აღმოსავლეთში ვითარების დარეგულირების მიღწევას აპირებს. ამის შესახებ აშშ-ს პრეზიდენტმა ბარაკ ობამამ თურქეთის პრემიერ-მინისტრთან რეჯებ ტაიპ ერდოღანთან გამართული სატელეფონო საუბრის დროს განაცხადა.
"ობამამ ხაზი გაუსვა, რომ აუცილებელია მშვიდობიანი შეთანხმების მიღწევა, რომლის საფუძველზეც შეიქმნება დამოუკიდებელი და სიცოცხლისუნარიანი პალესტინის სახელმწიფო, როგორც საშუალება მთლიანობაში სიტუაციის დარეგულირებისა", - ნათქვამია თეთრი სახლის მიერ გავრცელებულ განცხადებაში.
სატელეფონო საუბრის დროს ობამამ განუცხადა ერდოღანს, რომ აშშ ყველაფერს აკეთებს ისრაელის მიერ დაკავებული გემების გასათავისუფლებლად.
ობაბამ ასევე განუცხადა ერდოღანს, რომ აშშ მხარს უჭერს "სამშვიდობო გემების ფლოტილიასთან დაკავშირებული ტრაგედიის ყოვლისმომცველ გამოძიებას".
ობამამ მიიჩნევს, რომ აუცილებელია მოიძებნოს სხვა ისეთი გზები, რომელთა გამოყენებითაც ღაზას სექტორს ჰუმანიტარული დახმარება მიეწოდება ისე, რომ ისრაელის უსაფრთხოება საფრთხის ქვეშ არ დადგება.
მიუხედავად ამისა ვაშინგტონში მყოფი თურქეთის საგარეო საქმეთა მინისტრი აჰმედ დავუთოღლუ აცხადებს, რომ მისი ქვეყანა უკმაყოფილოა აშშ-ს რეაქციით.
"თავისუფლების ფლოტილიის ტრაგედიასთან დაკავშირებით. ანკარა ვაშინგტონისგან ისარელის ქმედებების დაგმობას ელის", _ განაცხადა დავითოღლუმ.
