ქუთაისში, განახლებულ გივი კილაძის სახელობის ცენტრალურ სტადიონს დღეს 19:30 საათზე საქართველოს პრეზიდენტი მიხეილ სააკაშვილი გახსნის. ამის შესახებ საქართველოს სპორტისა და ახალგაზრდობის დეპარტამენტი იუწყება.
საზეიმო ღონისძიებას სხვადასხვა თანამდედბობის პირები, საქართველოს სპორტისა და ახაალგაზრდობის საქმეთა დეპარტამენტის, ფეხბურთის ფედერაციის და პროფლიგის მაღალჩინოსნები დაესწრებიან. სტადიონის გახსნისადმი მიღძვნილ მატჩში ერთმანეთს ქუთაისის "ტორპედოსა" და თბილისის "დინამოს" ვეტერან ფეხბურთელთა გუნდები დაუპირისპირდებიან.
როგორც ცნობილია, ქუთაისის სტადიონი საქართველოს პრეზიდენტის ინიციატივითა და პატრონაჟით აღდგა. დამონტაჟდა 14000 ინდივიდუალური სკამი, საერთაშორისო სტანდარტების ტაბლო და განათების სისტემა, თავიდან აშენდა ადმინისტრაციული შენობა, გადაიხურა სტადიონის მნიშვნელოვანი ნაწილი, გარემონტდა გასახდელები და პრესლოჟა.
შეგახსენებთ, რომ ქუთაისის ცენტრალური სტადიონის გახსნა 24 მაისს იგეგმებოდა, მაგრამ კოკისპირული წვიმის გამო ჩაიშალა. ქუთაისში მყოფმა საქართველოს პრეზიდენტმა მიხეილ სააკაშვილმა იმ დღეს ახალი საცურაო აუზი გახსნა.
