ევროკავშირი აცხადებს, რომ უკრაინული "ნავტოგაზისა" და რუსული "გაზპრომის" გაერთიანება ამ ორი ქვეყნის საშინაო საქმეა. ევროკომისიის წარმომადგენელმა ენერგეტიკულ საკითხებში მარლენ ჰოლზნერმა განაცხადა, რომ უკრაინული "ნავტოგაზისა" და რუსული "გაზპრომის" შესაძლო გაერთიანება მხარეთა შიდა საქმეა, ევროკავშირისთვის კი მნიშვნელოვანია, რომ უკრაინამ განაგრძოს რეფორმები გაზის ბაზრის სფეროში.
"ევროკომისიამ მხედველობაში მიიღო პრესის მიერ გავრცელებული ინფორმაცია. პირველ ყოვლისა, ეს შიდა საკითხია, რომელშიც ორი მთავრობა იღებს მონაწილეობას. ევროკავშირისთვის კი მნიშვნელოვანია, უკრაინამ განაგრძოს რეფორმები შიდა გაზის ბაზრის მოდერნიზაციისათვის მისი დიდი გამჭვირვალობის უზრუნველსაყოფად", _ განაცხადა მან ბრიუსელში დღეს გამართულ ბრიფინგზე.
შეგახსენებთ, რომ უკრაინული "ნავტოგაზისა" და რუსული "გაზპრომის" გაერთიანების წინადადება რუსეთის პრემიერს ვლადიმერ პუტინს ეკუთვნის.
