ზვიად გამსახურდის გარდაცვალების ფაქტის შემსწავლელი კომისია უფლებამოსილების ვადის კიდევ ერთხელ გახანგრძლივებას ითხოვს. პარლამენტის თავმჯდომარემ კომისიის თავმჯდომარის კონსტანტინე გამსახურდიას ბიუროსადმი მიმართვა წაიკითხა.
ზვიად გამსახურდიას გარდაცვალების ფაქტის შემსწავლელი კომისიის მიმართვაში ნათქვამია, რომ კომისიას ჯერ არ მიუღია უშიშროების საბჭოს თანხმობა საბჭოს სხდომის ოქმების გასაცნობად, რომელიც პირველი პრეზიდენტის საქართველოში დაბრუნებას, დასავლეთ საქართველოს რეგიონებში გადაადგილებაა შესული.
ამასთან, მიმართვაში აღნიშნულია, რომ კომისიის მიერ დასაკითხია მაშინდელი ოფიციალური უწყებების ხელმძღვანელი პირები. კომისია ასევე გეგმავს ჩაატაროს სისხლის სამართლის საქმეზე # 7994802 კომპლექსური სასამართლო სამედიცინო და კრიმინალისტიკური ექსპერტიზა.
ამის გათვალისწინებით, კონსტანტინე გამსაუხრდია ითხოვს, პარლამენტმა კომისიის უფლებამოსილების ვადის გახანგრძლივების საკითხი განიხილოს.
ბიუროს გადაწყვეტილებით აღნიშნული საკითხი ხვალინდელ დღის წესრიგში იქნა გათვალისწინებული და კომისიას მუშაობა სავარაუდოდ კიდევ სამი თვით გაუხანგრძლივდება.
შეგახსენებთ, რომ კომისიას მუშაობის უფლებამოსილების ვადა უკვე მეორედ ეწურება.
