ეუთო-ს სადამკვირვებლო მისია "ალიანსი საქართველოსთვის" მიერ ხელისუფლებისთვის წაყენებულ ბრალდებებს გადაამოწმებს, რომლის მიხედვითაც პრობაციონერებს, მსჯავრდებულებს და მათ ოჯახებს არჩევნებში მონაწილეობას აიძულებდნენ. ამის შესახებ "ალიანსი საქართველოსთვის" ლიდერმა და თბილისის მერობის კანდიდატმა ირაკლი ალასანიამ, ეუთო-ს სადამკვირვებლო მისიის ხელმძღვანელთან, ოდრი გლოვერთან შეხვედრის დასრულების განაცხადა.
"ეუთო-ს სადამკვირვებლო მისიას კონკრეტული მაგალითები მივაწოდეთ იმის შესახებ თუ როგორ ჩაერივნენ ძალოვანი სტრუქტურები 21 მაისის საპარლამენტო არჩევნებში. რაც ყველაზე მნიშვნელოვანია, მივიღეთ პირობა, რომ ეუთო-ს მისია ჩაერთვება ამ ფაქტების გადამოწმების პროცესში. მთავარ პროკურატურას დღეს აღნიშნულ ფაქტთან დაკავშირებით გამოძიების დაწყება ვთხოვეთ და მნიშვნელოვანი იქნება, თუ პროკურატურა ამ ნაბიჯს გადადგამს~, - განაცხადა ალასანიამ.
ალასანიას თქმით, ~ალიანსი~ ამ საკითხზე დიპლომატიურ კორპუსსაც ესაუბრება და ზეწოლის ფაქტების დამადასტურებელ მასალებსაც გადასცემს.
შეგხსენებთ, რომ დღეს "ალიანსის" ოფისში ირაკლი ალასანიამ სოდ-ის ძველი ხელმძღვანელის ერეკლე კოდუას, პრობაციის სამსახურის ყოფილი თავმჯდომარის და ცენტრალური საარცევნო კომისიის ყოფილი თავმჯდომარის ლევან თარხნიშვილის სისხლის სამართლის პასუხისმგებლობის საკითხის დაყენება მოითხოვა.
