"მიუღებელია ევროსაბჭოს მანდატით მოქმედი პირი თავად მოქმედებდეს ევროსაბჭოს მიერ აღიარებული ნორმების საწინააღმდეგოდ", - ამის შესახებ განცხადება საქართველოს პარლამეტის თავმჯდომარემ დავით ბაქრაძემ ბირუოს სხდომაზე, ევროსაბჭოში განვითარებულ მოვლენებთან დაკავშირებით გააკეთა.
ბაქრაძის თქმით, ევროსაბჭოში მიმდინარეობს მწვავე დებატები და შესაძლოა საქართველოსთან დაკავშირებით აღნიშნული რეზოლუციის მიღება საერთოდ აღარ მოხდეს, ვინაიდან უილშაიერი თავისი ქმედებების გამო ტენდენციურობაშია ეჭვმიტანილი.
"საქართველოსთან დაკავშირებით არსებობს ევროსაბჭოს პოზიცია, რომელიც უცვლელია და აღიარებს საქართველოს ტერიტორიულ მთლიანობას, უილშაიერის ქმედებები კი ევროპსაბჭოს ევროსაბჭიოს პოზიციის საწინააღმდეგოა", - აცხადებს საქართველოს პარლამეტის თავმჯდომარე.
შეგახსენებთ რომ ევროსაბჭოს საპარლამენტო ასამბლეის საგაზაფხულო სესია დღეს გაიხსნა და 30 აპრილამდე გაგრძელდება. წინასწარი დღის წესრიგის თანახმად უნდა მიღებულიყო ევროსაბჭოს მონიტორინგის კომიტეტის მიერ მომზადებული რეზოლუცია საქართველოსთან დაკავშირებით და ასევე დაგეგმილია 2008 წლის აგვისტოს ომსა და მის შედეგებზე ჰაიდი ტალიავინის მიერ მომზადებული დასკვნის მოსმენა. დღის წესრიგთან დაკავშირებით საბოლოო გადაწყვეტილება ევროსაბჭოში დღეს იქნება მიღებული.
ევროსაბჭოში მყოფმა საქართველოს დელეგაციამ პროტესტი გამოხატა იმ ფაქტთან დაკავშირებით, რომ ევროსაბჭოს მონიტორინგის ჯგუფის წევრი დევიდ ვილშაიერი მოსკოვში ვიზიტისას მივიდა ე.წ. სამხრეთ ოსეთის საელჩოში. აღნიშნული ფაქტი ქართულმა დელეგაციამ დაგმო და მათ დავით ბაქრაძეც უერთდება.
