დღეს, 23 აპრილს, საქართველოს პარლამენტში აფხაზეთსა და ცხინვალის რეგიონში განხორციელებული ეთნიკური წმენდის ფაქტებზე იმსჯელებენ. ამ საკითხზე პარლამენტის ტერიტორიული მთლიანობის აღდგენის საკითხთა შემსწავლელი კომისიის სხდომაზე განიხილავენ.
სხდომას შინაგან საქმეთა სამინისტროსა და პროკურატურის წარმომადგენლებიც დაესწრებიან, რომლებიც საკუთარი უწყებების მიერ მომზადებულ მასალებს წარადგენენ.
ოკუპირებულ რეგიონებში ეთნოწმენდის დამადასტურებელ აუდიომასალას თავად ტერიტორიული მთლიანობის აღდგენის კომისია წარმოადგენს.
არსებულ მასალებში აფხაზეთისა და ცხინვალის რეგიონის მშვიდობიანი მოსახლეობა ჰყვება, თუ როგორ ხვრეტდნენ და როგორ მარხავდნენ მათ თვალწინ ადამიანებს ცოცხლად.
საპარლამენტო კომისიამ 80 ასეთი ფაქტი მოაგროვა.
