ქართული დასის ლიდერი დეპუტატი ჯონდი ბაღათურია აცხადებს, რომ სახალხო დამცველი ქვეყანაში არსებულ პრობლემებთან დაკავშირებით პირში წყალს იგუბებს. ასეთი შეფასება ჯონდი ბაღათურიამ დღეს პარლამენტში საგანგებოდ გამართულ ბრიფინგზე სახალხო დამცველის 2009 წლის მეორე ნახევრის ანგარიშთან დაკავშირებით გააკეთა.
როგორც ბაღათურიამ აღნიშნა, სახალხო დამცევლის 380-გვერდიან ანგარიშში ქვეყანაში არსებულ რეალურ პრობლემებთან დაკავშირებით არაფერია ნაქთვამი, სამაგიეროდ "დიდია ადგილი აქვს დათმობილი ე.წ. ტოლერანტობას და ნათქვამია, თითქოს ქართული ეკლესია სექტებს ავიწროვებს". ამ დროს კი ბაღათურიას განმარტებით ანგარიშში არაფერია ნათქვამი ჟურნალისტების ზეწოლაზე, საკუთრების უფლებიას შელახვაზე, დევნილების უფლებების დარღვევაზე, პოლოტ პატიმრებისა და უკანონო პარტიმრების არსებობაზე და ა.შ. გარდა ამისა ჯონდი ბაღათურია სამწუხაროს უწოდებს იმ ფაქტსაც რომ "ვერცერთი სახალხო დამცევლის ვერეცერთ ანგარიშში ვერ მოხდა ფერიის მთაზე ეკლესიის დანგრევის ფაქტი. თუმცა ყველა ანგარიშში ხვდება ეკლესიის მიერ ვითომდა სექტების შევიწროვების საკითხი". რასაც ბაღათურია "სამშობლოსადმი არაკეთილსინდისიერ დამოკიდებულებად" აფასებს.
ამასთან ჯონდი ბაღათურია სამწუხაროდ მიიჩნევს იმ ფაქტსაც რომ საზოგადოების ნდობა ახალმა სახალხო დამცველმა ვერ გაამართლა. "ჩემი პროგნოზი გამართლდა, გიორგი ტუღუში დანიშნულია ნაც მოძრაობის აქტივის მიერ და რეალურ პრობლემებზე ვერასოდეს ვერაფერს იტყვის" - განაცხადა ბაღათურიამ.
სახალხო დამცველის 2009 წლის მეორე ნახევის ანგარიში პარლამენტში დაახლოებით ერთი თვის წინ შევიდა, თუმცა ჯერჯერობით ანგარიშის საკომიტეტო განხილვებიც კი არ დაწყებულა
