საპარლამენტო უმრავლესობა მიიჩნევს, რომ კრემლი, ალექსანდრე ებრალიძის ხელით, ქართული დიასპორების დემორალიზებას ცდილობს. ამის შესახებ განცხადება დღეს სესიაზე საპარალმენტო უმრავლესობის წარმომადგენელმა დიასპორებთან ურთიერთობის კომიტეტის თავმჯდომარემ ნუგზარ წიკლაურმა გააკეთა.
წიკლაურის განცხადებით, დაგეგმილია ქართული დიაპორების მსოფლიო კონგრესის სანკტ-პეტერბურგში ჩატარება და როგორც იგი აღნიშნავს, ეს იმას ნიშნავს, რომ "მიმდინარეობს დიასპორების მოსყიდვისა და გარკვეული ილუზიების შექმნის მცდელობა".
როგორც წიკლაური აღნიშნავს, ქართული დიასპორების დემორალიზაციის მიზნით მიმდინარეობს უპრეცენდენტო აქტიურობა, რათა სანკტ-პეტერბურგში დაგეგმილ კონგრესზე იმდენი ადამიანის ჩაყვანა მოახერხონ, რომ ამ კონგრესის მნიშვნელობის ილუზია შექმნან.
"მიმდინარეობს კრემლის მხრიდან ქართული დიაპოსრების დემორალიზების მცდელობა. რუსეთი ხედავს დიასპორები არის საკმაოდ ძლიერი და მათი მიზანია მოახდინონ მათი დემორალიზება, რაც ქვეყნის ეროვნული ინტერესების წინააღმდეგ იქნება მიმართული", - აცხაფებს წიკლაური, თუმცა აღნიშნავს, რომ კრემლის ეს მცდელობა წარმატებით ვერ დასრულდება, რადგან პირადად მის სახელზეც, პარლამენტშიც და სახელმწიფო მინისტრის აპარატშიც ბევრი წეილია შესული, სადაც ქართული დიასპორის წარმომადგენლები საუბრობენ კრემლის ფარულ მიზნებზე.
