საქართველოს საგარეო საქმეთა მინისტრის გრიგოლ ვაშაძის შეფასებით, სულ უფრო მეტი ქვეყანა აღიარებს, რომ რუსეთი დამპყრობელია.
"ჩვენი სურვილია ოკუპირებულ რეგიონებში მცხოვრები ადგილობრივი მოსახლეობის დაცვა. ჟენევის მოლაპარაკებს ამ პროცესში ძალიან დიდი მნიშვნელობას ვანიჭებთ. სამწუხაროდ, რუსეთის ხელისუფლების დამოკიდებულება არ იცვლება და ისინი კვლავ აცხადებენ, რომ დემოკრატიულად არჩეულ მთავრობას არ დაელაპარაკებიან", - განაცხადა ვაშაძემ და კიდევ ერთხელ დააკონკრეტა, რომ ოფიციალური თბილისი კრემლთან მხოლოდ ჟენევის ფორმატში ურთიერთობს.
ამასთან, საგარეო უწყების ხელმძღვანელის განმარტებით, ქართული მხარე მოლაპარაკების გამართვისთვის მზადაა, თუ რუსეთის საქართველოს ტერიტორიული მთლიანობას გათვალისწინებს.
"ნებისმიერი დემოკრატიული და სუვენერული მთავრობის დამოკიდებულება ასეთი იქნებოდა. დროა რუსეთმა საქართველოს სუვერენიტეტს პატივი სცეს. სულ უფრო მეტი ქვეყანა აღიარებს, რომ რუსეთი დამპყრობელია და მათი ქმედების გამო ქვეყანაში დევნილთა რაოდენობა უპრეცედენტოდ გაიზარდა", - აღნიშნა ვაშაძემ.
მინისტრი პრესკონფერენციაზე აშშ-საქართველოს თემასაც შეეხო და აღნიშნა, რომ ქართული მხარე აშშ-ს მხარდაჭერას ყოველთვის გრძნობს, როგორც მაღალი თანამდებობის პირის განცხადებებში, ასევე კონკრეტული ხელშეკრულებებსა და ქმედებებშიც.
