საქართველოს პრეზიდენტი მიხეილ სააკაშვილი პოლონეთში ჯერ არ ჩასულა. ამის შესახებ "ჯი-ეიჩ-ენს" პოლონეთში საქართველოს სრულუფლებიანმა ელჩმა კოტე ქავთარაძემ განუცხადა.
"პრეზიდენტი სააკაშვილის თვითმფრინავი პოლონეთის მიმართულებით უკვე გამოემგზავრა, მაგრამ პრეზიდენტის თვითმფრინავის ადგილსამყოფელის შესახებ ინფორმაციას ღია საუბარში ვერ გეტყვით. შემიძლია, გითხრათ, რომ მიხელ სააკაშვილი პოლონეთში ჯერ არ ჩამოსულა", - განაცხადა ქავთარაძემ.
შეგახსენებთ, რომ ისლანდიაში ვულკანის ამოფრქვევის გამო ევროპის ქვეყნების უმრაველესობამ საჰაერო სივრცე დახურა, რის გამოც პოლონეთის პრეზიდენტის ლეხ კაჩისნის და მისი მეუღლის მარია კაჩინსკის დაკრძალვაზე ევროპის ლიდერების უმეტესობა ვერ ჩადის.
კრაკოვში პრეზიდენტის ლეხ კაჩინსკის და მისი მეუღლის ცხედრები პოლონეთის სამხედრო თვითმფრინავით უკვე გადასვენეს. ლეხ და მარია კაჩინსკებს ვერცხლის ზარების კოშკთან, კრაკოვის ვავერი სასახლის კათედრალურ ტაძარში დაკრძალავენ.
აღსანიშნავია, რომ პრეზიდენტი კაჩინსკის და მისი მეუღლის კუბოს სარკოფაგში მოათავსებენ. მხოლოდ სარკოფაგის ზედა ქვის წონა 600 კგ.-ს შეადგენს, რომელზეც ამოტვიფრულია პრეზიდენტისა და მისი მეუღლის სახლები, დაბადების და გარდაცვალების თარიღების გარეშე და ჯვარი.
ავიაკატასტროფა სმოლენსკთან, რომლშიც პოლონეთის პრეზიდენტი და პოლონეთის მთავრობის 96 წარმომადგენელი გარდაიცვალა 10 აპრილს მოხდა.
