,,პრემიერ-მინისტრის რანგში, თქვენმა მიღწევებმა, წარმატებულმა არჩევნებმა გააძლიერა საქართველო", _ნათქვამია აშშ-ის პრეზიდენტის ბარაკ ობამას ბიძინა ივანიშვილისადმი მიწერილ წერილში, რომელსაც ყოფილი პრემიერი ივანიშვილი ავრცელებს.
,,ჯი-ეიჩ-ენი" აშშ-ის პრეზიდენტის წერილს უცვლელად გთავაზობთ:
,,ძვირფასო, ბატონო ბიძინა! ჩემთვის სასიხარულო იყო თქვენს ხელისუფლებასთან თანამშრომლობა თქვენი პრემიერ-მინისტრობის პერიოდში. ტოვებთ რა ამ თანამდებობას, მსურს, გამოვხატო ჩემი პატივისცემა იმ როლისადმი, რომელიც თქვენ შეასრულეთ საქართველოს დემოკრატიის მდგრად განვითარებასა და აშშ-სა და საქართველოს შორის ურთიერთობების გაღრმავებაში. თქვენმა მიღწევებმა პრემიერ-მინისტრის რანგში, ასევე წარმატებულმა არჩევნებმა და ხელისუფლების მშვიდობიანი გზით გადაცემამ, გააძლიერა საქართველო. მსურს, მადლობა მოგახსენოთ ავღანეთში ჩვენი ერთობლივი ძალისხმევისათვის საქართველოს მიერ გაწეული დახმარების გამო. ჩვენ ვაფასებთ საქართველოს შეიარაღებული ძალების მნიშვნელოვან წვლილსა და გაღებულ მსხვერპლს. იმედის თვალით შევყურებ პრემიერ-მინისტრ ღარიბაშვილთან თანამშრომლობას. ჩვენ კვლავაც დავუჭერთ მხარს საქართველოს ევრო-ატლანტიკურ მისწრაფებებს და თქვენი ქვეყნის სუვერენიტეტსა და ტერიტორიულ მთლიანობას. გისურვებთ ბედნიერებას და წარმატებებს თქვენს ყველ აწამოწყებაში. პატივისცემით, ბარაკ ობამა", _ნათქვამია აშშ-ის პრეზიდენტის განცხადებაში.
