უკრაინის პრეზიდენტი ვიქტორ იანუკოვიჩი კიევში ევრომაიდანზე შეკრებილებს სთხოვს 2015 წლამდე მოიცადონ, ნუ მიიღებენ ნაჩქარევ გადაწყვეტილებებს და მორიგ საპრეზიდენტო არჩევნებს დაელოდონ. განცხადება ამის შესახებ მან უკრაინულ ტელეარხებთან საუბრისას გააკეთა.
„ვთხოვ ყველა პოლტიკოსს ნუ აჩქარდებიან. ისინი ჯერ ახალგაზრდები არიან და მათ ყველაფერი წინ აქვთ. მოვიდეს არჩევნები და ხალხმა გადაწყვიტოს. ვისაც აირჩევენ ის იქნება",- აცხადებს იანუკოვიჩი და აღნიშმნავს, რომ ჩხუბი არაფრისმომცემია.
„ჩხუბი არაფერს არ მოგვცემს. ჩვენ ჩვენი ქვეყნის მომავალი უნდა გვაერთიანებდეს. დღეს ერთად უნდა დავიცვათ ნაციონალური ინტერესები. თუ ჩვენ გვინდა ევროპული სტანდარტები ჩვენ ყველაფერი კანონის ფარგლებში უნდა ვაკეთოთ", _ აცხადებს იანუკოვიჩი.
