დღეს, 28 ნოემბერს საქართველოს ევროკავშირთან ასოცირების ხელშეკრულების ტექნიკურ საქართველოს საგარეო საქმეთა მინისტრის პირველი მოადგილე, დავით ზალკალიანი და ღრმა და ყოვლისმომცველ ვაჭრობის სივრცეზე მთავარი მომლაპარაკებელი, ეკონომიკისა და მდგრადი განვითარების მინისტრის მოადგილე, მიხეილ ჯანელიძე მოახდენენ.
ევროკავშირის მხრიდან კი მოლაპარაკებებზე ევროკავშირის დელეგაციის ხელმძღვანელი, საგარეო ქმედებათა ევროპული სამსახურის, რუსეთის, „აღმოსავლეთ პარტნიორობის", ცენტრალური აზიის, რეგიონული თანამშრომლობისა და ეუთო-ს დირექტორატის ხელმძღვანელი, გუნარ ვიგანდი და DC FTA-ზე ევროკავშირის მხრიდან მთავარი მომლაპარაკებელი, ევროკომისიის ვაჭრობის საკითხებში გენერალური დირექტორატის ევროპული სამეზობლო პოლიტიკის სამსახურის უფროსის მოადგილე ფილიპ კუისონი.
ხოლო ხვალ, 29 ნოემბერს, „აღმოსავლეთ პარტნიორობის" სამიტზე, ასოცირების შესახებ შეთანხმების პარაფირების ოფიციალურ ცერემონიალზე, შეთანხმების პარაფირებას მოახდენს საქართველოს საგარეო საქმეთა მინისტრი, მაია ფანჯიკიძე.
