ირინა იმერლიშვილი დღეიდან დეპუტატი აღარ არის. მმართველი გუნდის წევრს სადეპუტატო უფლებამოსილება შეუწყდა.
საკითხს დღეს კენჭი სესიაზე უყარეს. იმერლიშვილს პარლამენტში, სავარაუდოდ, მურთაზ ხურცილავა შეცვლის.
რაც შეეხება საპროცედურო საკითხთა კომიტეტს, რომელსაც იმერლიშვილი ხელმძღვანელობდა, კომიტეტის ახალი თავმჯდომარის თანამდებობაზე გიორგი კახიანია დასახელებული.
ირინა იმერლიშვილისთვის დეპუტატის უფლებამოსილების შეწყვეტის საკითხი დღის წესრიგში მას შემდეგ დადგა, რაც ის უშიშროების საბჭოს მდივნად დაინიშნა.
