სოფლის მეურნეობის მინისტრ ბაკურ კვეზერელის განცხადებით, რუსეთთან ემბარგო საქართველოს არ დაუწესებია, შესაბამისად, ამ კუთხით არც მოლაპარაკებები მიმდინარეობს.
"ეკონომიკური ემბარგო რუსეთთან ჩვენ არ დაგვიწესებია. შესაბამისად, სახელმწიფოთა შორის მოლაპარაკებები ამ დროისთვის არ მიმდინარეობს", - აღნიშნა კვეზერელმა.
შეგახსენებთ, რომ დღეს მოსკოვში ზურაბ ნოღაიდელი მოლაპარაკებებს რუსული მხარის ქართულ პროდუქციაზე დაწესებულ ემბარგოს მოხსნის შესახებ მართავს.
საქართველოს მთავრობაში კი აცხადებენ, რომ ორ ქვეყანას შორის ურთიერთობების მოგვარება ნოღაიდელის გადასაწყვეტი არ არის და თუ რუსეთი თბილისს ეკონომიკურ ემბარგოს მართლაც მოუხსნის, ეს მათი მხრიდან საქართველოს მოღალატე პოლიტიკოსებისთვის პოლიტიკური ფონის შექმნისთვის გაკეთდება.
