საპარლამენტო უმცირესობა პარლამენტს, უკრაინაში მომხდარ მოვლენებთან დაკავშირებით, რეზოლუციის მიღების ინიციატივით მიმართავს.
ინიციატივას დეპუტატები დღეს ბიუროს სხდომაზე დააყენებენ. როგორც უმცირესობაში აცხადებენ, საქართველომ უკრაინის ევროპულ სტრუქტურებთან ინტეგრაციას მხარი უნდა დაუჭიროს და რუსეთს მეზობელ ქვეყნებზე ზეწოლის შეწყვეტისკენ მოუწოდოს.
მმართველ გუნდში კი მიიჩნევენ, რომ საქართველო უკრაინის სახელმწიფოს სუვერენულ გადაწყვეტილებებში ვერ ჩაერევა და "ერთიანი ნაციონალური მოძრაობის" ინიციატივაზე გადაწყვეტილებას ბიურო მიიღებს.
