საქართველოს პრეზიდენტი გიორგი მარგველაშვილი ვილნიუსში სტუმრობისას რამდენიმე მის კოლეგასა და პრემიერ-მინისტრს შეხვდება. როგორც ჟურნალისტებთან გიორგი მარგველაშვილის მრჩეველმა საგარეო ურთიერთობათა საკითხებში ვანო მაჭავარიანმა განცხადა ერთ-ერთი შეხვედრა საფრანგეთის პრეზიდენტთან ფრანსუა ოლანდთან გაიმართება.
,,ყველაზე საინტერესო და მნიშვნელოვანი შეხვედრა იქნება საფრანგეთის პრეზიდენტთან ფრანსუა ოლანდთან. მას მიაჩნია, რომ საქართველოს ევროპასთან დაახლოების თვალსაზრისით ისტორიული როლის თამაში შეუძლია. ასევე გვექნება შეხვედრა პოლონეთის პრეზიდენტთან, ესტონეთის პრემიერ-მინისტრთან. ასევე საუბარია მრავალ სხვა შეხვედრაზე, რომლის დეტალებიც ზუსტდება", - განაცხადა მაჭავარიანმა.
შეგახსენებთ, რომ ვილნიუსის სამიტი 28-29 ნოემბერს გაიმართება, სადაც საქართველომ ევროკავშირთან ასოცირების ხელშეკრულების პარაფირება უნდა მოახდინოს. საქართველოს დელეგაციას ვილნიუსში პრეზიდენტი გიორგი მარგველაშვილი უხელმძღვანელებს.
