ამ ერთ წელიწადში საოცრება მოვახდინეთ, - ამის შესახებ ყოფილმა პრემიერ-მინისტრმა, ბიძინა ივანიშვილმა კოალიცია "ქართული ოცნების" ყრილობაზე სიტყვით გამოსვლისას განაცხადა.
მისი თქმით, ამ ერთ წელიწადში მათ დაამსხვრიეს მითი, რომ ნაციონალების წასვლით ეს ქვეყანა ზურგს აქცევდა ევროპას, დაინგრეოდა და დემოკრატია დასამარდებოდა.
"ყველას დაუმტკიცეთ, რომ ცივილიზებული ერი ვართ, ევროპული ღირებულებების ერთგული ხალხი ვართ, რომ ჩვენ გვინდა ჩვენი ქვეყანა ნამდვილად ევროპულ სახელმწიფოდ ვაქციოთ, ნამდვილად დემოკრატიულ საზოგადოებაში ვიცხოვროთ. ყველა, ჩვენთანაც და დასავლეთშიც, კარგად მიხვდა, რომ ეს იყო ტყუილი, რომ დემოკრატია ამ 9 წლის განმავლობაში იყო მოჩვენებითი და დემოკრატიის მიღწევებზე ლაპარაკი ჩვენს ქვეყანაში მხოლოდ დასავლეთისთვის თვალის ახვევას, მხოლოდ ნაციონალების კეთილდღეობას და იმიჯის შენარჩუნებას ემსახურებოდა", - განაცხადა ივანიშვილმა.
მასალის გამოყენების პირობები
