საქართველოს პრეზიდენტი გიორგი მაგრველაშვილილი ლატვიელ კოლეგას ანდრის ბერზინშს რიგაში მომხდარი ტრაგეედიის გამო უსამძიმრებს და სამძიმრის განცხადებას ავრცელებს, რომელსაც ,,ჯი-ეიჩ-ენი" უცვლელად გთავაზობთ: ,,თქვენო აღმატებულებავ, ბატონო პრეზიდენტო, შეძრწუნებული ვარ ქ. რიგაში მომხდარი უბედური შემთხვევით, რომელსაც მრავალი ადამიანის მსხვერპლი მოჰყვა.ამ ტრაგედიამ შეძრა ქართველი ხალხი. ჩვენ თანამონაწილენი ვართ თქვენი ღრმა მწუხარების და პირად ტრაგედიად აღვიქვამთ მომხდარს. მინდა გამოვხატო ჩემი და მთლიანად საქართველოს თანადგომა მოძმე ლატვიელი ხალხის მიმართ, რომელიც ყოველთვის იდგა ჩვენი ქვეყნის გვერდით უმძიმეს წუთებში.გთხოვთ, ქართველი ხალხისა და პირადად ჩემი გულწრფელი სამძიმარი გადასცეთ დაღუპულთა ოჯახებს და მთელ ლატვიელ ხალხს", - ნათქვამია გიორგი მარგველაშვილის სამძიმრის წერილში.
შეგახსენებთ, რომ რიგაში, სავაჭრო ცენტრ "მაქსიმას" ჩამონგრევის შედეგად დაღუპულთა რიცხვი 50-მდე გაიზარდა.
