უკრაინის პრეზიდენტმა ვიქტორ იანუკოვიჩმა ლიტვის პრეზიდენტთან დალია გრიბაუსკაიტესთან სატელეფონო საუბარში განაცხადა, რომ მოსკოვის ეკონომიკური ზეწოლისა და შანტაჟის გამო კიევი ევროკავშირთან შეთანხმებას ხელს ვერ მოაწერს. განცხადება ამის შესახებ „BNS"-თან საუბარში ლიტვის პრეზიდენტის თანაშემწემ გააკეთა.
სატელეფონო საუბრის დროს ლიტვის პრეზიდენტს აუწყეს აღმოსავლეთ უკრაინიდან საქონლის იმპორტის შეზღუდვის საფრთხის შესახებ, ეს კი კიევის გათვლებით, მილიარდიან ზარალს გამოიწვევს. განაცხადა საგარეო პოლიტიკის საკითხებში პრეზიდენტის მთავარმა მრჩეველმა იოვიტა ნელიუპშენემ.
„უკრაინამ ვერ გაუძლო ეკონომიკურ ზეწოლასა და შანტაჟს. მას რუსეთში საქონლის იმპორტის შემცირებით ემუქრებოდნენ, განსაკუთრებით აღმოსავლეთ უკრაინის კომპანიები, სადაც კონცემტრირებულია მრეწველობის ძირითადი ნაწილი და სადაც დასაქმებულია ასობით ათასი ადამიანი. მიიჩნევა, რომ უკრაინა მილიარდიან ზარალს ნახავს. თავისი გადაწყვეტილების მიღების ეს მიზეზები დაასახელა პრეზიდენტმა იანუკოვიჩმა მიმდინარე კვირას პრეზიდენტთამ საუბრისას", _ განაცხადა ნელიუპშენემ.
„ასე, რომ ჩვენ ვხედავთ კავშირებს, რომლებიც არაცივილიზებული საშუალებებით იქმნება და ასეთი კავშირები შეუძლებელია მუდმივი იყოს", _ განაცხადა პრეზიდენტის მრჩეველმა.