დასავლური პრესა უკრაინის შესახებ ასობით სტატიას აქვეყნებს და შექმნილ სიტუაციას ცივი ომის მდგომარეობას ადარებს. უკრაინის მინისტრთა კაბინეტის მიერ მიღებულმა გადაწყვეტილებამ საშუალება მისცა ევროპელ პოლიტიკოსებს ეთქვათ ყველაფერი რასაც უკრაინაზე ფიქრობდნენ.
„ ასოცირების შესახებ შეთანხმებას ვილნიუსში ხელი არ მოეწერება. ჩვენი მისია დასრულდა. სამწუხაროა, რომ მას ასეთი ფინალი აქვს",_ განაცხადა პოლინეთის ექს-პრეზიდენტმა ალექსანდრე კვასნევსკიმ, რომელიც უკრაინისა და ევროკავშირის მოლაპარაკებებს კურირებდა ასოცირების შესახებ.
„ვაღიარებ, ოპტიმისტურად განწყობილი ნამდვილად არ ვარ, მაგრამ ეს თამაშის ბოლო არ არის. თუმცა თუ უკრაინა მომავალ კვირასაც გაუშვებს შანსს ხელიდან და შეთანხმებას ხელს არ მოაწერს, მაშინ მისი პერსპექტივები გააკეთოს ეს მომავალში ნულს გაუტოლდება', _ განაცხადა ლიტვის საგარეო საქმეთა მინისტრმა ლინას ლინკიავიჩუსმა გამოცემა Voice of America -სთან საუბარში.
„უკრაინის მთავრობამ, მოულოდნელად, ძლიერ თავი დაუხარა კრემლს. ცხადია, რომ ხისტი ზეწოლის პოლიტიკამ იმუშავა. ამ ნაბიჯმა შესაძლოა მოკლად კიევის იმედები მიიღოს უცხოური ინვესტიციები. უკრაინის ეკონომიკა შესაძლოა დაცემისკენ წავიდეს", _ დაწერა „ტვიტერში" თავის მიკრობლოგი შვედეთის საგარეო საქმეთა მინისტრმა კარლ ბილდტმა.
„ეს სევდიანი დღეა უკრაინისა და ევროპისათვის. ეს სიგნალია საერთაშორისო საზოგადოებისათვის იმის შესახებ, რომ ის უმოქმედოდ არ უნდა იჯდეს მაშინ როდესაც რუსეთი კვლავ ცდილობს თავისი პირობების კარნახს მეზობლებისათვის", _ განაცხადა ამერიკელლმა სენატორ-დემოკრატმა ელიოტ ენჟელმა.