აჭარაში ტურიზმის სექტორში განხორციელებული ინვესტიციების მოცულობა 33,2 %-ით გაიზარდა. როგორც აჭარის ტურიზმის დეპარტამენტში განმარტავენ, 2013 წლის იანვარ-სექტემბერში რეგიონში ტურიზმის სექტორში განხორციელებული ინვესტიციების მოცულობამ 50,6 მლნ დოლარი შეადგინა, მაშინ როდესაც გასული წლის 9 თვეში აჭარაში მხოლოდ ტურიზმის სექტორში 38 მლნ დოლარის ინვესტიცია განხორციელდა.
აღსანიშნავია, 2013 წლის იანვარ-სექტემბრის მონაცემებით, აჭარაში 288 სასტუმრო ფუნქციონირებს.
2012 წლის ბოლოს აჭარაში 278 სასტუმრო ფუნქციონირებდა, მაშინ როდესაც 2011 წელს რეგიონში ვიზიტორების მიღებას და მომსახურებას 265 სასტუმრო ახორციელებდა.
